آراء وتجارب مستخدمينا

الدنيا حلوة

أسماء مستخدم

طبيبة امتياز مستشفيات جامعة الإسكندرية X/Twitter

قبل ما أستخدم وردياتي كنت بعمل الجدول ببرنامج إكسيل وكان بيشلّنا كلنا الحقيقة وفيه ظلم في التوزيع بسببه. عرفت وردياتي من تاني شهر امتياز علطول، وجربته من نصيحة زملائي أثناء عمل الجدول، والأول مكنتش فاهمة لكن بسهولة أوي قدرت أعرف أعمل كل حاجة فيه. مش بس كدا، بقيت أنا بديره في جروبات كذا مرة الحمدلله وساعدني كتييييير .. منظم جدا ومسهل علينا كل حاجة حقيقي. برشحه لزمايلي إلى أقصى حد طبعا وبنصحهم بيه وبعلمهم عليه دلوقتي. وردياتي سهل سريع منظم ممتع. شكرا للى جه في باله الفكرة دي ونفذها أو ساعد في تنفيذها، جزاه الله عننا كل خير.

بقى أحسن في المواعيد

كويس

كنت متسوح

التنسيق والسهولة

الأفضل

Good

تنظيم الشيفتات

حاجة محترمة جدا ومتعوب عليها وحلت مشاكل كتيييير

زي الفل

تنظيم الشيفتات أسهل

الوقت

منظم وبيسهل توزيع الشيفتات

أسهل

حلو

وردياتى أحسن فى عمل الجدول بشكل بسيط شكرا ليكم قبل كان فى حلول أخرى بس ده أحسن وأسهل وأعدل حل

تجربة جميلة

أحمد عصمت مستخدم

طبيب امتياز مستشفى الحسين الجامعي - جامعة الأزهر بالقاهرة Facebook

كنت بعاني من إمكانية اختيار شفتات مناسبة لي. جوجل شيت وجوجل فورم ماكنش بيديني أغلب الأيام اللي كنت محتاجها، وكانت شفتاتي متفرقة على مدار الشهر، فكنت بضطر أحضر الشهر كامل في القاهرة لصعوبة السفر. لكن الوضع اختلف تمامًا بعد استخدام وردياتي.. بقيت أقدر اختار على أقل تقدير 80% من الشفتات المناسبة لي. بالإضافة إلى أن التطبيق وفر لي الراحة النفسية وألغى العجلة والتوتر، وبيعطي فرصة للتفكير بين كل اختيار والثاني. بعد تجربتي معاه أكتر من سنة ونصف، استخدامه مفيد جدًا، أفضل أن الناس كلها تستخدمه علشان على الأقل يضمنوا حقهم في اختيار الشفتات.

محمد سمير مستخدم

طبيب امتياز مستشفى الحسين الجامعي - جامعة الأزهر بالقاهرة Facebook

تجربتي مع وردياتي كانت honestly مختلفة جدًا. قبل الموقع كنت بستخدم جوجل شيت أو كنت بختار للناس أنا، والحلين مكانوش أحسن حاجة خالص وبيحصل فيهم غلطات ومشاكل كتير وكنت بقعد بالساعات أحاول أظبط الشيفتات وأقارن بين البدائل ودايمًا بطلع متلغبط ومرهق. بعد ما بدأت أستخدم وردياتي الموضوع بقى أوضح وأسهل بكتير… الموقع بيقدم تنظيم ذكي ساعدني أختار أسرع وأنضف ومن غير صداع. الفكرة نفسها عبقرية، والتنفيذ احترافي وفعلاً بيلمس مشكلة كل امتياز. لما حد من دفعة الامتياز الجديدة كلمني وكنت بفهمه الدنيا عندنا، أول حاجة قلتهاله يختاروا جدولهم إزاي، وهو نزل لدفعته لينك وردياتي، ومن وقتها وكل الدفعة دي بتستخدمه وأنا شايفهم محظوظين بصراحة إنهم اكتشفوا العظمة دي من أول يوم في الامتياز 😂❤️. وردياتي رتب الفوضى وسهل حياة دفعات كاملة ❤️ تجربة محترمة وتستاهل كل الدعم 🤍🤍

لللأفضل

أسهل

سهل

♥️♥️

دايما باستخدم وردياتي أصلا، كده كل وردياتي متجمعة في مكان واحد ومش بأتوه أو أنساهم

زي الفل والله

موقع محترم جدا وشغل احترافي جدا

النظام

جدول الشيفتات

نظام

كللو

بقى سريع

التنسيق وسرعة العمل

عمر عبدالهادي مستخدم

طبيب امتياز مستشفى الحسين الجامعي - جامعة الأزهر بالقاهرة LinkedIn

فخور جدًا بوجود مجهود زي ده، وحل لمشكلة بقالها فترة طويلة محدش كان بيفكر إن حلها هيكون إنجاز كبير كده. قبل وردياتي جربنا الجدول اليدوي الورقي، وبعده جوجل فورم، وبعدين إكسيل اللي كانت واجهته بتعطلنا كتير. أخيرًا آخر تطور وصلناله هو وردياتي، حرفيًا حل كل المشاكل؛ البيانات متنظمة، فيه 10 ثواني بعد كل اختيار عشان تسمح لغيرك يختار، اختيارك بيكون بضغطة مش باسم، وفي الآخر الجدول بيكون جاهز، وواجهة البرنامج من أول التسجيل لحد الجدول شيك. مش هرشح غيره.

عمار شوقي مستخدم

طبيب امتياز مستشفيات قصر العيني - جامعة القاهرة Telegram

كانت تجربة جديدة وغريبة على أغلب الناس، لكن في المجمل التجربة كانت جميلة جدًا والـ feedback كان جميل جدًا. أنا كنت مريح دماغي جدًا مقارنة باللي فات. ومع إني مش من الناس اللي بتفتح الـ guide book؛ كنت بخبط مع نفسي وكل شوية أكتشف feature كويسة تسهل عليا. في مرة كنت مسافر والجدول اتعمل، وأنا ماشي في الطريق كنت بتابع لحد ما بقى الجدول complete في وقت قياسي ما كملش نص ساعة، بعد ما كان وقت الجدول بالنسبة لي حاجة مقدسة ممكن أقعد عليها 24 أو 48 ساعة. بالنسبة لي دي كانت لحظة تاريخية والتجربة جميلة جدًا ولطيفة جدًا، وأقدر أقول إن الشفافية والوضوح في وردياتي 100% من أكتر الحاجات اللي خلتني واثق في الجدول اللي بيطلع منه.

جميل جدا تسلموا والله

أحمد ماهر مستخدم

طبيب امتياز مستشفى الحسين الجامعي - جامعة الأزهر بالقاهرة Facebook

وردياتي انتشر وسطنا فجأة لما لقيناه سهل وبسيط وفيه إمكانية اختيار الشيفتات بكل إنصاف للكل. قبل كده كان دايمًا بيحصل مشاكل في الشيت أو الفورم، وكانوا بيعلقوا مع الناس، وساعات كان حد يشيل اسم تاني ويحط اسمه، وساعات متعرفش ايه الشيفتات المتاحة في الفورم وايه اللي مش متاح. لكن وردياتي حل كل المشاكل دي، وفيه نظام جميل، وفيه إمكانية تحدد الشيفتات المناسبة ليك، وتعرف تبدل شيفتات مع زمايلك بسهولة. كل حاجة فيه مميزة ومصممة بكل دقة وسهولة، وبيتيح ليك حتى كعضو إنك تتابع كل حاجة، وتعرف مين مختار الشيفت دا، وفيه كام واحد مختارين اليوم دا، وفاضل كام مكان متاح. الصراحة عظيم. أرشحه بشدة، لأن أي حد هيستخدمه مرة هيحبه ومش هيعرف يتعامل مع غيره.

وردياتي منظم أكتر

مصطفى حسين مستخدم

طبيب امتياز مستشفيات جامعة الأزهر Facebook

شكرًا على ابتكار الموقع دا، والسلاسة في التعامل، وإعطاء نوع من أنواع فرص المساواة لكل الأشخاص الذين يريدون عمل الجدول، لن يشعر أحد بقيمة هذا الموقع ما لم يجرب الطريقة القديمة التي كان يتم عمل الجداول وتوزيع الورديات بها، ففيها نوع من أنواع الضغط على كل من يقوم بتوزيع النباطشيات أو على من يقوم بالاختيار، كنا إما يتم فتح شيت جوجل والكل يدخل في نفس الوقت للاختيار وكان هناك مشكلة عدم توافر الإنترنت عند البعض أو ضعف في الإتصال فكان الأشخاص الآخرين يختارون الأيام التي يريدونها، بل قد تكون سجلت في يوم ولكن لضعف الإنترنت عندك لم تكن حُفظت على الشيت، فكان شخص آخر يقوم ويسجل في هذا اليوم وكانت تحصل خلافات كثيرا بسبب هذه المشكلة. أو يقوم الأشخاص بحذف بعضهم البعض 😢 وهذا هو الممتع في التطبيق فهو تلافي كل هذه المشاكل، بل أعطي الجميع المساواة في اختيار وردياتهم.

إسراء مصطفى الفقي مستخدم

طبيبة امتياز مستشفيات جامعة الإسكندرية Facebook

التجربة كانت لطيفة جدًا وسهلت علينا كل حاجة بجد؛ التطبيق منظم وعادل في التوزيع، وسهل الوصول للجدول ككل. حاليًا أي حد بيعمل جدول ببعتهوله علطول. جزاكم الله عنا خيرًا.

الأداء

وفر في الوقت وسهل عمل الجداول

جوجل فورم، ودلوقتي بوردياتى أفضل

بقا أحسن من الأول

زي الفل بقت الدنيا أحسن

ممتاز

محمد عبد الصمد ذكي مستخدم

طبيب امتياز مستشفى الحسين الجامعي - جامعة الأزهر Facebook

تجربة سلسة وحل مشاكل كتير كانت بتواجهنا في عمل الجداول، مجهود محترم وفكرة رائعة.

أحمد العربي مستخدم

طبيب امتياز مستشفيات جامعة الأزهر - القاهرة LinkedIn

تطبيق رائع من حيث بساطة وسهولة واجهة الاستخدام، سريع ومليء بالخصائص المفيدة والأساسية؛ والأهم هو الدعم المستمر من القائم على التطبيق وسماعه للمستخدمين وحرصه على تقديم أحسن تجربة ليهم، مع سرعة التطوير والتحسين وتقديم الجديد للمستخدمين.

ممتاز

عمر أحمد مستخدم

طبيب امتياز مستشفى الحسين الجامعي Facebook

قبل وردياتي الدنيا كانت عذاب. جربت طرق كتير أوي زي التجربة اليدوية واجتماعات زووم وجوجل فورم وجوجل شيت، وشفنا كمية خناقات ومسح للبيانات. لكن وردياتي غير حياتي! بقالي سنة ونص بستخدمه في كل حاجة، من غرف فيها ٤ أفراد لغرف فيها ٢٥٠. بدل ما كنت بحتاج يومين كاملين عشان أنظم وأعمل الجدول، بقيت بحتاج ١٠ دقايق بس. دلوقتي عادي أعمل الغرفة وأخش أنام وأنا متأكد إن ٩٩٪ من الأمور هتمشي وتتحل بسهولة ويسر من غير تواجد مني. وردياتي بيطور من نفسه يوم ورا التاني وبيحل مشكلة ورا التانية لحد ما قرب يوصل لليفل في مستوي تاني خالص ما شاء الله. حقيقي وردياتي وفر جهد ووقت كبير ووفر خناقات وخلافات كتيرة جدا. هو الخيار الوحيد والأمثل إلا لو معاك وقت زيادة وجهد زيادة وسعادة وراحة نفس كبيرة وحابب تضيعهم في الفاضي. وردياتي توب التوب والباقي في الكنتلوب 😂

جدول الشيفتات

اختيار الشيفتات بقى أسهل

بجد عبقري وليه استخدامات كبيرة جدا ملهاش حصر كان قبل كده بنستخدم جوجل شيت وكانت دوخة دلوقتي ف ثواني الشيت يكون جاهز

مكنتش عارف أحجز

هايدي أسامة مستخدم

طبيبة امتياز مستشفيات جامعة الإسكندرية

بدأت أستخدم وردياتي من تاني شهر في السنة الأولى للامتياز، في أبريل 2025. قبل كده كنت بعمل الجدول بـ Excel وفي الشات. كنا في الأول قلقانين من وردياتي وخايفين منلحقش عليه الشيفتات، بس بعد كده لقينا الموضوع أسهل ولقينا الشيفتات.​ موقع حلو بصراحة وسهل علينا كتير إننا ننظم شيفتاتنا بدون مشاكل، ولو الغرفة اترتبت صح بيبقى في فرصة عادلة لكل الناس. Highly recommended.​

جميل جميل سهل مرن سلس عالمي وأهم ما يميزه السهولة والبساطة والإتقان. أرشحه بنسبة 100%.

بقى فيه تنظيم أكثر

أصبح التسجيل أسهل

كل حاجة بقت منظمة

التنظيم

علاء محمد مستخدم

طبيب امتياز مستشفيات جامعة الازهر Facebook

موقع جميل وسهل وبيخلصنا من مشاكل الجدول بسهولة ونظام

إكسل شيت كانوا بيغيروا الأسماء

التنظيم

تحفة رائع مش بنستخدم غيره في الشيفتات، جزاكم الله خيرًا ونفع بكم

تنظيم العمل بين الزملاء

علي محمد علي مستخدم

طبيب امتياز مستشفيات جامعة الإسكندرية Facebook

الحقيقة الأبليكشن سهل عليا مجهود أيام ووفر عليا وقت كتير، وحل مشكلة عدم تكافؤ الفرص، وإن حد ممكن يمسح اسم حد من الشفت. الأبليكشن ساعدني أن أحضر الجدول في خمس دقائق، وساعدني أن كل حد يختار نفس عدد الشفتات، وحل كل المشكلات اللي كانت بتواجهني زي مشكلة توزيع الشفتات بشكل متساوي. معتقدش أن فيه حل لتوزيع الشفتات أعظم من وردياتي.

جميل وسهل علينا كتير

حلو جدا

أسهل

عمرو عثمان مستخدم

طبيب امتياز مستشفى الحسين - جامعة الأزهر بالقاهرة Facebook

بصراحة شفت إن "وردياتي" معمول بفكرة واضحة ومهمة، خصوصًا إن إدارة الشيفتات دايمًا بتكون صداع لأي جروب. واجهته بسيطة، والفكرة الأساسية واصلة… وعمومًا المشروع مبذول فيه شغل واضح وطالع بشكل محترم جدًا، ويساعد كتير جدا في توفير الفرص المناسبة والمتساوية لكل فريق العمل. أكتر حاجة شدتني إن طريقة التعامل مع الشيفتات نفسها بسيطة وواضحة، والواجهة خفيفة ومافيهاش تشتيت، وده مش سهل تحقيقه في التطبيقات اللي من النوع ده لأن التفاصيل فيها كتير. كمان توزيع عناصر الشاشة مخلي الموضوع سهل لأي مدير أو عضو يفهم بسرعة هو المفروض يعمل إيه. بجد شغل يشرف، وواضح إن فيه رؤية واضحة في تصميم التجربة وتبسيط عملية معقدة زي جدولة الشيفتات.

فعلا لم يكن باستطاعتنا تقسيم الشيفتات بطريقة عادلة ومنظمة زى باستخدام وردياتي ... موقع جميل جدا ومنظم ربنا يبارك لكم ويرزقكم من فضله

أسهل

Only smart minds can create such an amazing & seamless solution to those annoying problems that have long been a major source of unnecessary discomfort. One of a kind!

موقع رائع شكرا جزيلا

تنظيم

كنت بتبهدل في الجدول قبل وردياتي

الدنيا أسهل فى الجدول

كل حاجة بالأخص السرعة

حلو

تنظيم أفضل

بيسهل الحجز جدا

نظام

كويس

جيد جدا

أفضل

حياتي كلها اتغيرت

حلو

إسلام الغنام مستخدم

طبيب امتياز مستشفى سيد جلال الجامعي - جامعة الأزهر بالقاهرة LinkedIn

كان عندي تجربة وحيدة مع عمل الجدول للراوند وتجارب كتير في اختيار جدولي. مش هتكلم عن مدى سهولته في تنظيم الجدول لأن دا شيئ مفروغ منه لكن حابب أتكلم عن جماله في اختيار جدولي. كنت بحس في الطرق التقليدية بعدم الإنصاف يعني لما كلنا نبعت رسالة على واتساب بجدولنا في نفس الوقت فالموضوع بيكون في قمة العشوائية والصدفة البحتة والتعديلات بتكون مرهقة جدا. لكن دلوقت الموضوع بقا أبسط وأسرع وأكثر إنصافََا.

شيفتاتي

حاجات كتير

كل حاجة

تنظيم المستشفى

هشام صبري مستخدم

طبيب امتياز مستشفيات جامعة الإسكندرية X/Twitter

قبل وردياتي كان فيه مشاكل كتير؛ جوجل شيت مش بيفتح للناس كلها في نفس الوقت، وبيكون فيه شوية ظلم لناس، ومش كل الناس بتعرف تستخدمه. ممكن اتنين يختاروا نفس الشيفت وده بيعمل مشكلة، وممكن حد يكتب اسمه مكان حد تاني، وممكن الجدول يتمسح خالص. كمان مكنتش بعرف أحدد لكل واحد عدد شيفتات معين، لازم أتابعهم وأشوف مين واخد أكتر ومين واخد أقل وأكلمه يغير شيفتاته، ولو حد بدل شيفت معين مش بنكون عارفين مين، ومشاكل كتير بصراحة. بعد وردياتي معظم، إن مكنش كل، المشاكل دي اتحلت، وسهل جدًا أي حد يستخدمه، وبيكون فيه عدل في توزيع الشيفتات، والمشرف بيعرف يتابع كل حاجة ويتحكم في كل حاجة. هرشحه لأي حد بنسبة 100%.

بصراحة أبلكيشن أكثر من رائع وفليكسبل جدا وخدمة عملاء مفيش فيها غلطة

إسلام الديب مستخدم

طبيب امتياز مستشفيات جامعة الأزهر - القاهرة LinkedIn

دورت كتير علي مواقع تكون بتساعد بشكل أفضل في تنظيم الجداول الخاصة بينا، لكن للأسف ملقيتش حاجة متخصصة زي ما أنا أحب، ولو لقيت حاجة قريبة شوية فكان ليها اشتراك بمبلغ ومكنتش عملية، وده كان بيخليني أتحمل الطرق التقليدية المتعبة والغير عادلة. بعدها بفترة تم إطلاق وردياتي، وهنا الوضع اتغير تمامًا... في توفير للوقت... في عدل... في شفافية، وده أعتقد كان الكفيل إن الكل يتقبل الموقع بسرعة ويسيب الطرق التقليدية خصوصًا إنه من وقت ما تم إطلاق الموقع وفي تطور مستمر. أنا شهادتي مجروحة، لكن اللي أقدر أقوله إنه تطبيق وردياتي غير اللعبة فعلًا في مجاله، واللي هيدرك قيمته فعلًا هو الشخص اللي جرب الطرق التقليدية.

جامد جدا

محمود محمد عمر مستخدم

طبيب امتياز مستشفى الحسين الجامعي - جامعة الأزهر بالقاهرة Facebook

عرفت وردياتي عن طريق الأصدقاء لأنه كان منتشر جدًا فى المستشفى، وبستخدمه بقالي أكتر من سنة. تجربة ممتعة لأقصى مدى فالتطبيق يوفر الكثير من الجهد والتنظيم، ويمنع الكثير من المشاكل الواردة في الجدول مثل أن يأخذ طبيب نبطشية وعيادة في نفس اليوم، كما يضمن المساواة بين الزملاء. تطبيق وردياتي أصبح من الأشياء الأساسية في أي راوند، لذلك فأنا أرشحه بقوة.

جميل

البداية مع وردياتي

قبل وردياتي كانت الدنيا عشوائية، وردياتي نظم الدنيا بجد

سهولة حجز الشيفتات

محتاس ودلوقتي حياتي بقت أحسن بكتير

حجز الشيفتات بقى أسهل كتير في رصد مين خد ايه ومين باقي له ايه ومنع اللغبطة في الحجوزات بين أنواع الشيفتات المختلفه أو حجز زيادة بالغلط

برنامج جميل وسهل الاستخدام ووفر وقت كثير جدا شكرا

التنظيم وسهولة الاستخدام

أبوبكر سكر مستخدم

طبيب امتياز مستشفى الحسين جامعة الأزهر Facebook

ما شاء الله برنامج رائع ومركز على المشاكل اللي كنا بنواجهها وحلها بكل موضوعية وصراحة إضافة جميلة جدا وممتعة.. شكرا شكرا ♥️

كنا بنقعد بالساعات علشان نظبط جدول شهر واحد، وخناقات بقى وساعات علشان تنسق الجدول وتعرف هل كل واحد واخد أيامه مظبوطة ولا ناقصة أو زايدة، دلوقت بضغطة زر اختصرنا وقت ومجهود كتير جدا.

وردياتي وفر عليا كتير في حجز وتنظيم الشيفتات

التنظيم

عرفت وردياتي من صديق ليّا في جامعة القاهرة، وبقالي شهرين بستخدمه. بصراحة وفّر عليّا وقت كبير جدّا في تنظيم الجدول، ده غير انّ فيه عدل أكتر في اختيار مواعيد النّباطشيّات لكلّ طبيب، حيث انّ المعاد الّي هفتح فيه الحجز بيكون معروف وبيفتح تلقائي، كلّ واحد بيختار الأماكن المُتاحة قدّامه. قبل كده كانت بتحصل مشاكل كتير والحمد لله الأمور أحسن بكتير. تجربة جميلة جدّا، ومجهود رائع من فريق البرنامج ربّنا يجازيهم كلّ خير، هيوفّر وقت ومجهود كبير جدّا على ليدر الدّفعة في تنظيم الجداول.

محمد المليجي مستخدم

طبيب امتياز مستشفى سيد جلال الجامعي - جامعة الأزهر بالقاهرة Facebook

وردياتي وضع الجميع على قدم المساواة مع تكافؤ الفرص، وروعة عرض الورديات. لا مجال للتلاعب كما حدث معي وزملائي قبل استخدامه، وأعجبني فيه سهولة الاستخدام في أضيق الأوقات، حيث تستمر العملية أقل من عشر دقائق ويكون قد علم كل أناس مشربهم. أنصح به لأي تيم مكون من أفراد يتناوبون نباطشيات باستمرار. شكرًا لمؤسس الفكرة ومن قام على تطويرها.

أحمد سامي علوي مستخدم

طبيب امتياز مستشفي السيد جلال Facebook

تطبيق ممتاز بواجهة استخدام بسيطة وسهلة جدًا، سريع وفيه كل الخصائص الأساسية اللي أي مستخدم محتاجها. أهم ميزة فعلًا هي إن المطور دايمًا موجود، بيسمع للمستخدمين وبيطور باستمرار عشان يقدم أفضل تجربة ممكنة، والتحديثات دايمًا سريعة وفعالة. وكمان عنده ميزة قوية عن Google Sheets: استخدامه أسهل بكتير، وتقدر تعمل جداول كبيرة من غير ما تقابل المشاكل اللي بتحصل في الجوجل شيتس زي لخبطة الكتابة، أو إن حد يمسح شغل حد تاني بالصدفة. هنا كله مرتب وواضح ومفيش تعارض بين المستخدمين.

حسن صبره مستخدم

Case management and data entry senior Shifa hospitals group (el-sherouk branch) LinkedIn

أنا حقيقي حابب أأكد على انبهاري وإعجابي بفكرة الأبلكيشن وتسهيلها كتير جدا في عمل الجداول وتنظيم العمل وتوفيرها الكبير للوقت وتسهيل العمل بخلاف الأفكار التقليدية كلها. في جهد كبير بجد من المسؤولين عن الأبلكيشن حابب أشكركم عليه جدا.

توزيع الورديات بقت بشكل منتظم

النظام

شكراً للناس اللي تعبت على وردياتي حقيقي مجهود مذهل وعمل طفرة في ترتيب المواعيد.. شكراً ربنا يحميكم

لا أحسن وأسهل بكتير ويوزر فريندلي وعادل ومنظم

منظم جدا برافو

تجربتي مع وردياتي كانت رائعة، برنامج رائع لتسريع اختيار الشيفتات بكل عدل وبدون انحياز، وهو من أفضل البرامج في هذا المجال.

كنا قبل وردياتى بنستخدم إكسيل شيت وكان للأسف حاجة مملة وممكن حد يحذف حد وياخد مكانه ولكن وردياتي بجد منظم وحاجة محترمة ربنا يجازي القائمين عليه بكل خير

وفرت وقت ومجهود

أسهل

Good

ممتاز ومنظم طبعا

مش فاكرة حقيقي احنا دخلنا امتياز لقينا وردياتي

مكي جمال عبدالناصر مستخدم

طبيب امتياز مستشفى الميري والشاطبي - جامعة الإسكندرية Facebook

أحسن وسيلة ممكن أستخدمها لعمل جداول، سواء في الشغل كطبيب أو في أي عمل بعد كده. بدأت أستخدم وردياتي بعد أول راوند في أول روتيشن لأنه كان مريح جدًا وأسهل بكتير من عمل الجدول بالطرق التانية. قبل ما أستخدم وردياتي جربنا إننا نبعت ماسدج فيها الشيفتات وأنا أنسق بينهم وكان تقاطع الشيفتات عامل أكبر مشكلة، وجربنا جوجل شيت وكانت الناس بتعدل على شيفتات بعض وده كان مشكلة. حقيقي وردياتي ساعدني بشكل كبير في تنسيق الجداول، وكمان إمكانية التبديل عليه وخاصية انتظار 15 ثانية بين كل شيفت والتاني بيدي فرصة لكل الناس إنها تاخد على الأقل نسبة من شيفتاتها زي ما هي عايزة، وشايف ده قمه العدل الصراحة اللي مش موجود في أي وسيلة تانية. أرشحه بنسبة 100%.

منظم

صار أجمل

قبل وردياتي كانت جوجل شيت أي حد يمسح اسم حد ويكتب اسمه وصعبة في التعامل. وردياتي أسهل بكتير وكل واحد بياخد شيفتاته بالأسبقية.

كنت بعك

علي عزت مستخدم

طبيب امتياز مستشفيات جامعة الأزهر Facebook

وردياتي جميل بكل تفاصيله .. التنظيم لكل جزء مع واجهة مستخدم سهلة وبسيطة حتى الألوان والفونتات مختارة بعناية ومعبرة وجذابة .. مفتكرش إني قابلت أي Bugs مع الموقع سواء كنت بشارك بعمل جدول أو كنت مجرد بختار شفتاتي .. الأوبشنز المتاحة لعمل الجداول ذكية وسهلة الوصول والاستخدام والأهم إنها عادلة وغير قابلة للتلاعب .. الكلمات لا تكفي لوصف مميزات كل جزء ومش هنوفي حقها .. شايف لوردياتي مستقبل باهر بإذن الله وحقيقي خسران ال لسه مش معتمد عليه ..

في نظام في اختيار الورديات صح احيانا بيحصل لغبطة بس الوضع احسن من الاول

بصراحة من أول ما دخلنا الامتياز أصلا واحنا بنستعمله.. منقدرش نستغنى عنه أصلا جزاكم الله خيرا

جميل

بصراحة شكرا جدا جدا ليكم علي التجربة الأكثر من رائعة دي وجزاكم الله خير الجزاء، قبل كدا كنا بنقفل الجروب وكل واحد يختار الشيفتات ويبعتها في رسالة لما نفتح الجروب في وقت متفقين عليه وكانت بتبقي سيئة جدا، ولا جوجل شيت والعشوائية البحتة بتاعته دي. حقيقي وردياتي ده من أنجح ما قدمته لنا البشرية.

ما شاء الله

حياتي بقت أسهل كتير